千房 (已結業)

如果要喺香港食正宗大阪烧,讲真如果要一流嘅味道,首先就要承担番一定嘅代价...就系付出金钱XDD想要食到好味嘅而价格又相宜,真系要嚟呢间喺旺角T.O.P.四楼嘅<千房>喇~店舖面积都够大,座位充裕,所以嚟到要等位都好快就有喇^^因为每张枱都会有私家炉嘅原故,连张枱都够哂位置放食物,坐得舒舒服服。同阿肥相议过后,决定叫咗几款嘢食,一解大阪烧单思之苦~香肠铁板烧($38蚊)：香肠有条骨好似比较少见,原来都几香口㖞,另外有款都有小小黑椒味,由于热得快所以都食得好快狂热鸡翼($48蚊)：见佢个名都几惹火,于是又叫嚟试下~鸡翼腌得好惹味,配合埋柠檬汁更加开胃,$48蚊有四只都几抵嗌。千房烧($108蚊)：唔好以为两个人share食就唔够分,一份大阪烧嘅份量都几大,呢个叫千房烧嘅材料有豚肉+牛肉+大虾+带子四款,所以都足料非常,啖啖滋味最开心嘅莫过于可以自己玩吓烧吓,虽然食物本身已经煮熟,上碟嘅时候都总会觉得由自己加啲调味料同埋分切嚟食都几过瘾,加小小美乃滋酱同埋郁郁吓嘅木鱼,成个大阪烧嘅味道都好丰富。里面嘅大虾食得出都几新鲜弹牙,豚肉同牛肉亦切到好薄,唔会嚡口。蛋包面($88蚊)