真味坊

营业中

休息中

今日收工都成七点嘞，有啲肚饿，去到葵芳地铁站见到呢间小食店都有几多人买嘢食，仲有唔少人围住个档食紧，我就睇吓有啲乜嘢啱食！呢个小食店都几大，卖嘅嘢款式真系好多，我由左边扫到右边，睇真啲佢卖嘅嘢食！佢嘅最左手边系一大盘冰镇嘅冻咖啡同埋冻奶茶，跟住系各式各样嘅串串小食：有咖哩鱼蛋、咖哩鱿鱼、牛柏叶，黑椒根丸、牛丸、香菇贡丸、墨鱼丸、龙虾丸、红肠、厨师肠、鸡肾、螺肉、面筋…真系好多！再过啲系牛杂、猪肠粉、炒面、烧卖、牛肉、酸斋同埋串烧，仲有煎酿三宝、炸多春鱼、炸鱿鱼须、炸春卷、咖哩角、炸大肠；最右手边嘅有炸蕃薯饼、炸芋头饼同埋萝卜丝饼，连热狗，三文治都有，三文治都十几款，真系多到我眼都花埋，差唔多所有街头小食佢都齐晒，真系厉害！最后我拣咗炸萝卜丝饼因为唔系成日见到！呢度嘅萝卜丝饼都几大嚿，因为啱啱炸起，皮仍然系脆嘅，不过就比较粉多而且厚，入面嘅萝卜丝馅有好大朕五香粉味，除咗白萝卜丝仲有红萝卜丝，食味同旧时食到嘅差唔多，几好！白萝卜丝好软，红萝卜丝就有啲爽脆，配合得唔错！虽然啲萝卜丝切得唔够幼细，不过食嘅时候一丝丝扯出嚟，又几好味㖞！因为个饼都几大个，所以食完都几饱，不过我都知呢样嘢系好肥嘅，