影片
更多
2012-09-09
1766 浏览
我平日冇打食评既习惯,但系今日食完呢间既BUFFET之后,忍不住要立即上黎打食评!!!!一入到去坐低,出去行个转,哗!好似难民营咁…因为D食物好平民化(难听D系好CHEAP)!!!有一半都系冷盘!一开始,有烧卖,虾饺等等,因为实在大挤迫,太多人抢,所以好快手咁攞左野食!!!烧卖:好一般,十足阿X罗,7仔十蚊几粒𠮶D咁!虾饺:皮太黏,一叉就皮同虾分开左!入面既虾好咸!!!D盐好似唔使钱咁!!!鸡:都OK,但未至于令我会再食碗仔翅:味道OK,不过D’翅’唔知去晒边~同街边十几廿蚊一碗既有得挥!!过左一阵,我最爱既寿司出场,不过要排队,喺队尾大约等3至5分钟先排到过去,排到去,有个男职员’serve’我地,帮我夹,每次排队限制攞两旧!鳗鱼寿司:味道唔错,系佢咁多寿司款式入面最好味既一款,鳗鱼唔会太硬,有鳗鱼味(街出面卖𠮶D有时硬过石头!);旧饭唔暖,但不至于太难食;咁当然大家要同元X相比,就唔好有太大期望啦(本人经常光顾元X)加州卷寿司:入面系一般既料,青瓜,蟹柳;入口好大阵蟹柳味;其实似食蟹柳多D….不过,以呢间酒店既食物水准黎讲,呢个寿司算系入得口,算系上品!帆立贝寿司:块缩水帆立贝淡而
一入到去坐低,出去行个转,哗!好似难民营咁…因为D食物好平民化(难听D系好CHEAP)!!!有一半都系冷盘!
一开始,有烧卖,虾饺等等,因为实在大挤迫,太多人抢,所以好快手咁攞左野食!!!
烧卖:好一般,十足阿X罗,7仔十蚊几粒𠮶D咁!
虾饺:皮太黏,一叉就皮同虾分开左!入面既虾好咸!!!D盐好似唔使钱咁!!!
鸡:都OK,但未至于令我会再食
碗仔翅:味道OK,不过D’翅’唔知去晒边~同街边十几廿蚊一碗既有得挥!!
过左一阵,我最爱既寿司出场,不过要排队,喺队尾大约等3至5分钟先排到过去,排到去,有个男职员’serve’我地,帮我夹,每次排队限制攞两旧!
鳗鱼寿司:味道唔错,系佢咁多寿司款式入面最好味既一款,鳗鱼唔会太硬,有鳗鱼味(街出面卖𠮶D有时硬过石头!);旧饭唔暖,但不至于太难食;咁当然大家要同元X相比,就唔好有太大期望啦(本人经常光顾元X)
加州卷寿司:入面系一般既料,青瓜,蟹柳;入口好大阵蟹柳味;其实似食蟹柳多D….不过,以呢间酒店既食物水准黎讲,呢个寿司算系入得口,算系上品!
帆立贝寿司:块缩水帆立贝淡而无味!!超唔掂!
几转寿司之后,就系派三文鱼既时候,好长人龙!!不过我唔食生野冇食到~
柠檬芝士饼:卖相OK,但入口超甜!!!!好似D糖唔使钱咁要食到人有糖尿病咁!!味道系点我就唔知,我只系知道好甜,放完入口要即时饮水!
朱古力CAKE:卖相好,但冇朱古力味,味道有如过期朱古力,超级怪!!好难食!!!!!
啫喱:原本唔知佢系咩黎,原来系罗记啫喱..入面一粒粒既系芦荟粟米:唔甜,呢间酒店既食物,应甜唔甜,唔应甜就甜到漏!!!完全唔甜,又冇味!唔知系咪煲过汤!!
卤水蛋:个样几深色下,咬落唔硬皮,仲好咸TIM!!!!!!!鸡翼:个样好深色,好靓,不过唔入味
薯条,薯饼:薯条好过M记,至少有薯味唔太咸,系MOSBURGER薯条既次一等;薯饼似M记,不过呢间酒店冇M记既咁脆炸带子:炸皮太硬,带子太淡,一D都唔似带子,食左一粒已经冇意欲食第2粒
炸三文鱼:我冇食,但我妈妈食左,佢话好好味,但因为D三文鱼好多骨,食完成口都系骨!!!之后再食其他野D骨都驱之不散!!!而且仲喉咙顶住唔上唔落!!!
再过一阵,鱼,虾出场!食客闻风而至,相继争夺!!!场面壮观!
鱼:太老,鞋既;不过有鱼味~佢既肉唔鞋我会食~!
虾:个样唔错,好似好好味咁,但系原来只系金絮其外, 败絮其中!!!因为系无味架!!!!!!
蚬:壳仲多过肉!我冇食到,但系亲戚话都几好食!汤面:选择只有河粉同米线;我想要河粉,但系唔知点解明明BUFFET啱啱开始都可以冇,唯有要米线;米线还可以,牛丸似胡椒丸,龙虾丸OK,汤底可能禀承健康原则,所以用既系滚水~但系因为一D都唔好食,最后俾左妈妈食!
龟苓膏:入口好甘,少少苦味,几好
总结:职员服务态度差,对于有食物质素有少少要求既人黎讲,都会觉得唔好食!!环境挤迫令人觉得似喺难民营分派食物咁,寿司三文鱼刺身又要排队!!不过以百几蚊既质素...我妈觉得已经过得去...
题外话/补充资料：
因为佢既食物质素好差,所以我举起手机想影低出面攞食物既地方,但系呢个时候,被一个戴眼镜既中年男职员举起手出言阻止:Hey,呢度唔好影,唔好呀!
不过佢阻得黎我已经影左,佢自己仲好笑地唔自觉入埋镜!!可以见相中红圈,𠮶个就系佢!!可以见到因为佢出言阻止令我被人注视,以致我行埋位时个个都望住我![IMG:7]可能佢见呢间BUFFET环境唔靓又逼,食物又咁一般,惊死人影低唱衰佢咁!我唔明,现今人人都影相POST上FB,佢竟然可以唔俾人影!
(以上食记乃用户个人意见 , 并不代表OpenRice之观点。)
张贴
