影片
更多
2013-08-26
289 浏览
我写完英文我觉得唔够, 因为去亲其实系香港人。先讲吓啲嘢食, 我之前嚟过几次, 每次我都好后悔。实质上就唔系好记得, 因为好耐之前。大慨系啲碟头饭啲汁好难食, 啲汤粉餐我就好清楚记得好‘惊水’, 因为又冇味, 份量又少得可怜。最惨佢收费一啲都唔平! 附近都有啲唔系太好食嘅茶餐厅, 但收费亦较平, 所以觉得合理。我老公最近‘发现’咗呢间嘢有蒸鱼之后就差唔多日日嚟, 我都好少陪佢, 因为觉得太难食。其实我每日都经过呢间嘢, 每日我都会心里面问点解佢仲系度? 系唔系我自己唔识嗌所以次次都咁难食? 好坦白讲, 我觉得近两次去系进步咗少少, 起码冇难食嘅感觉(唔知系咪因为零期望), 但都系贵 - 我老公每次消费一个人都过$100 (佢会嗌一条蒸鱼, 一/两碗白饭, 一杯热柠茶)。个收钱同另一男仕(老板?)真系好有问题。㖊日(8月23号星期五)同我老公俾佢地搞到要报警!! 我老公一个人入咗先, 叫咗一条蒸鱼, 一碗白饭, 一杯热柠茶 (唔系餐, 因为冇), 我之后要个猪扒饱餐跟热呵力(horlicks, 约＄23). 个呵力冇嚟咁我咪谂住算啦, 当我老公杯热柠茶系啦(我觉得呢个系好正常嘅事). 我
先讲吓啲嘢食, 我之前嚟过几次, 每次我都好后悔。实质上就唔系好记得, 因为好耐之前。大慨系啲碟头饭啲汁好难食, 啲汤粉餐我就好清楚记得好‘惊水’, 因为又冇味, 份量又少得可怜。最惨佢收费一啲都唔平! 附近都有啲唔系太好食嘅茶餐厅, 但收费亦较平, 所以觉得合理。我老公最近‘发现’咗呢间嘢有蒸鱼之后就差唔多日日嚟, 我都好少陪佢, 因为觉得太难食。其实我每日都经过呢间嘢, 每日我都会心里面问点解佢仲系度? 系唔系我自己唔识嗌所以次次都咁难食? 好坦白讲, 我觉得近两次去系进步咗少少, 起码冇难食嘅感觉(唔知系咪因为零期望), 但都系贵 - 我老公每次消费一个人都过$100 (佢会嗌一条蒸鱼, 一/两碗白饭, 一杯热柠茶)。
个收钱同另一男仕(老板?)真系好有问题。㖊日(8月23号星期五)同我老公俾佢地搞到要报警!! 我老公一个人入咗先, 叫咗一条蒸鱼, 一碗白饭, 一杯热柠茶 (唔系餐, 因为冇), 我之后要个猪扒饱餐跟热呵力(horlicks, 约＄23). 个呵力冇嚟咁我咪谂住算啦, 当我老公杯热柠茶系啦(我觉得呢个系好正常嘅事). 我同个收钱讲佢即好串咁话唔可以咁夹, 我话吓, 其他茶餐厅都得㖞, 佢就开始一轮嘴咁话我自己唔叫嘢饮, 我都费事讲咁多, 咪话‘得啦得啦, 你找钱啦‘。佢仲要闹我’你有冇听人讲架! 我话我今次唔收你呀!! 下次冇啦!' 我已经好庆, 佢又唔找钱, 但又不停地闹。
个男人行过嚟问咩事, 话完俾佢知之后佢仲要坚持佢啱, 系冇得夹, 我话咁我杯嘢冇嚟㖞, 佢仲要劲恶话冇人知我嗌过,我问佢咁系咪我错先? 之后又赖我做咩唔跟。佢两个一路闹一路闹, 又唔找钱, 咁我点走？我已经好嬲又无奈 - 到𠴱个位根本我只系企系度俾佢两个人不停闹, 我拍住我张500蚊话‘得啦!! 找钱未呀?!!' 个男人癫咗咁指住我闹(大慨)’咩呀？俾钱大哂呀！唔好收佢钱, 送俾佢啦, 狗嚟架, 搞事搞非!' 我问佢我会唔会为14蚊去搞事呀? 我决定报警。个女收银收咗我$110(呢样又唔见佢听个男人话唔收我钱? 哈哈)
我等到咁上下先发现佢冇俾单我。我返入去攞佢净系肯俾冇多杯嘢饮𠴱张我, 都算, 但个男人冲埋嚟闹我叫我地走, 喷哂饭落我度又行到好埋咁凶我! 到我地落返去公众行人路佢仲叫我地走, 我超嬲话呢度系公众地方你点解要我走?! 佢就吠我!!!
到警察嚟到竟然同我讲话冇嘢可以做, 叫我以后唔好去! 有冇搞错!(题外话)
大家真系唔好去呢间嘢, 啲嘢一啲都唔好食! 系我老公超钟意食蒸鱼(连腥都杀𠴱只), 又唔知附近边度有得食先去。讲真, 就算真系我错我觉得都冇可能用咁嘅态度啰 - 梗何况我都话照俾钱, 都要俾人真系闹到只狗咁(!!), 真系一头雾水, 十分无奈。
张贴
