影片
更多
2021-12-31
63 浏览
行完千色，千色汇1期2楼有间食泰国料理的餐厅，见佢有个泰抵食二人餐 SET FOR 2㖞$188堂食仲要免加一，咁抵就同个FD 一齐试下。前菜：泰式咸蛋青木瓜沙律爽辣的青木瓜沙律，系一个好好的开胃菜。入面捞咗少少咸蛋粒，调起个沙律味，仲有少少虾干，增加咸鲜味，沙律本身已经用咗酸辣的鱼露调味。主食：1. 秘制烧猪颈肉切到薄薄地的猪颈肉烧得好香脆，肉质唔会好干柴，另外有个酱汁配返，我地觉得唔点都好够味，呢个朋友大推。2. 红咖哩牛腩原来都好大碗㗎，配料有冬瓜，薯条先系重点，炸过先炆，形状会完整啲，食落更香口。红咖哩颜色虽然深味道浓，但唔辣偏甜。唯一缺点系个牛腩煮得过火有点柴。小食：泰式拼盘有虾饼、蔗虾、春卷及鱼饼各有两件，当中以鱼饼最特别，带有少少冬荫功，外面系米纸的春巻就略为油咗啲，仲有泰式辣酱可以沾。但如果贪心的你，呢个多款式的泰国小食真系满足哂了。套餐奉送两碗泰式船面，用咗金边粉做面。船面汤底非常浓，咁样配合主食好似食紧超多𩠌的船面，如果唔饱的话仲可以配饭。另外我地加$38追加咗冬荫功汤，佢系火锅上，入面有两只爽口大虾，煮个阵留意住唔好煮到过熟。冬荫功汤的酸味好强烈，辣系慢慢渗出黎，
行完千色，千色汇1期2楼有间食泰国料理的餐厅，见佢有个泰抵食二人餐 SET FOR 2㖞$188堂食仲要免加一，咁抵就同个FD 一齐试下。
前菜：泰式咸蛋青木瓜沙律
爽辣的青木瓜沙律，系一个好好的开胃菜。入面捞咗少少咸蛋粒，调起个沙律味，仲有少少虾干，增加咸鲜味，沙律本身已经用咗酸辣的鱼露调味。
主食：
1. 秘制烧猪颈肉
切到薄薄地的猪颈肉烧得好香脆，肉质唔会好干柴，另外有个酱汁配返，我地觉得唔点都好够味，呢个朋友大推。
2. 红咖哩牛腩
原来都好大碗㗎，配料有冬瓜，薯条先系重点，炸过先炆，形状会完整啲，食落更香口。红咖哩颜色虽然深味道浓，但唔辣偏甜。唯一缺点系个牛腩煮得过火有点柴。
小食：泰式拼盘
有虾饼、蔗虾、春卷及鱼饼各有两件，当中以鱼饼最特别，带有少少冬荫功，外面系米纸的春巻就略为油咗啲，仲有泰式辣酱可以沾。但如果贪心的你，呢个多款式的泰国小食真系满足哂了。
套餐奉送两碗泰式船面，用咗金边粉做面。船面汤底非常浓，咁样配合主食好似食紧超多𩠌的船面，如果唔饱的话仲可以配饭。
另外我地加$38追加咗冬荫功汤，佢系火锅上，入面有两只爽口大虾，煮个阵留意住唔好煮到过熟。冬荫功汤的酸味好强烈，辣系慢慢渗出黎，愈食愈刺激啊!
饮品：
泰式热奶茶(+5)
通常泰奶都好甜，呢个落啲练奶少，饮到浓浓的泰茶味，少少甜，好啱冬天饮暖粒粒。
青柠梳打(+12)
同啤酒杯一样SIZE，本身落咗半杯青柠汁，饮个阵自己再落埋SINGHA 的梳打水，酸酸地好开胃。
张贴
