小胖台灣麵

营业中

休息中

听讲千色汇开咗新台湾嘢叫小胖台湾面，是晚就同朋友嚟试下佢先😋八点左右嚟到，虽然唔使等位，但店内都坐满人，气氛唔错㖞。快快脆脆扫code落单先，面食选择几多，唔想食面嘅话都有几款便当，食台湾嘢当然要有台式嘢饮添啦。⭐招牌三宝牛肉面朋友叫咗个招牌三宝牛肉面，卖相唔错㖞，好足料满满一大碗，三宝就系牛肉、牛筋、牛肚，仲有红萝卜、白萝卜、青菜等配菜，色香味俱全。牛肉软淋入味，萝卜好清甜，汤头带有浓浓嘅蕃茄味，仲有少少辣味，咸甜酸辣好好饮，面条又有咬口，吸满汤汁劲好食🤤朋友话正到冇得弹，连汤都饮晒。⭐鸡排皮蛋酱卤肉香葱干拌面自己就叫咗干拌面，麻酱、川辣同皮蛋酱都想试，见皮蛋酱比较少见就先是皮蛋酱啦。鸡扒好大块，新鲜炸起劲香脆，入面嘅鸡肉多汁又嫩滑，好食㖞😋皮蛋酱顾名思义有皮蛋啦，先有伴碟嘅原块皮蛋，仲有切碎咗混埋喺卤肉酱入面嘅皮蛋，咸香鲜味，用嚟拌面真系好正🤤而且仲有一大堆青瓜丝，个清新感正好去腻，食晒成碟好满足🤤⭐夜市盐酥鸡食台湾嘢当然要叫埋台式小食啦，但呢度冇我最钟意嘅台式香肠，咁就叫咗次选盐酥鸡，同样系即叫即炸，酥脆香口，真系有盐酥效果👍⭐柑桔柠檬 & 珍珠乌龙奶茶最后就系台式饮品，朋友话佢