桃園小品 (蘇豪東) (已結業)

呢间野个management不知所谓。今日平日下午茶时段，客人唔多，大约5成满。入到去坐似，啲伙记(4个人)自己开紧餐，无问题，人都系要食饭。但楼面只剩下1-2个人在执枱、送餐。等左 (应该话举起手) 5 分钟，终于人行过来落单。落完单，一等就等左15分钟，连野饮都无，叫左个人伙记黎，问佢系咪漏单，佢竟然可以话"好忙，未出得切单，等多阵"。OK, 我又等，再过5分钟，见隔离枱迟来先上"饭"，心知不妙。再叫人黎，伙记B话无单出黎，都无办法，转头就走左去。呢个时侯，已经唔想再食，起身走去落单电脑度，问伙记C系咪漏单，佢呢一刻先话俾我听无落单。前前后后，浪费左30分钟。啲伙记系完全无歉意，仲问我"咁你想食咩?" XYZ! 仲食条毛咩! 以后你俾钱我都唔会再黎!