海福樓 (已結業)

公司食团年饭，㨂咗去海福楼！上网睇，有款南瓜忌廉阿拉斯加蟹盖焗饭好吸睛，公司同事个个都话必食！蟹脚煮一道花雕蛋白蒸阿拉斯加蟹脚。再点百味脆豆腐，凉伴海蜇，煎莲藕饼，干葱豆豉爆鸡，明虾球菠萝船，上汤蒜子浸波菜，甜品叫咗荔茸西米焗布甸，其实重点系食只阿拉斯加皇帝蟹，其他都变成配角。百味脆豆腐，当然唔会有百种味道，外脆内软绝对名符其实，而且绝对满分！正！凉伴海蜇分量太少了，豆豉爆鸡鸡肉够 juicy，明虾球够弹牙够大只但数量略嫌不足，主角出场啦！用㬵剪剪蟹脚，原来蟹脚壳好薄，薄到好似薯片，所以好易剪，由于无点加调味料，蟹嘅鲜味满分，南瓜饭反而蟹味比南瓜味盖过，味道当然有南瓜嘅甜味，如果南瓜改成蟹黄就一流噜！但哩个饭都唔错。布甸以为平平无期，食落又唔平凡㖞，味道甜咗少少但啱自己口味，都系果句，份量少咗d。饭局中，日本老细亲口话俾我知，升职！2018年，有两个大 project，两个大 project都对自己往后人生有翻天覆地嘅大大大转变！期待2018年大大大挑战！