新麻蒲 BBQ (新都會廣場) (已結業)

新麻蒲食过晚巿烧肉好抵食，今日衬住做完Body Check黎试下佢午巿买三送一优惠！十二点一开门我地就入去，所以仲有窗口位坐。四个午巿套餐会送最平果个，我地拣左两个烧肉餐，一个炖牛肋骨，仲有个冷面。一黎有四小碟韩国泡菜作前菜，仲有沙律同蔬菜添！两个烧肉套餐都几多野食，中价果个餐有牛肋条同猪护心肉，而平价果个餐有猪颈肉同猪护心肉，肉质唔错兼腌得入味！烧肉果阵有抽风将油烟抽走，唔惊成身油烟味。炖牛肋骨好淋，个汤非常浓郁，爱黎送饭一流。至于个冷面外表睇落平平无奇，食落有惊喜，黑色的冷面质地非常弹牙，食完热辣辣的烧肉再食返冷面可以降下火平衡下，爽呀！