狂野麻神麻辣火鍋 (已結業)

想食下火锅，但系又唔想咁heavy，黎麻神就啱哂喇，佢地嘅午市有一人一锅套餐配饮品，价格亲民，只需要$60左右，值得一试！酸菜鱼配拉面，酸菜鱼汤底非常浓郁，酸菜再加上少量辣椒，十分过瘾，而鱼片唔系平时滑滑嘅鱼肉，而系食到有纹路嘅鱼片，吸哂汤汁，非常入味~药膳醉鸡配薯粉，食过酸菜鱼，就反而觉得药膳醉鸡有少少淡，有木耳、准山等等嘅药材，不过如果药材味太浓，我都会有啲怕XD。鸡肉滑滑，食得出有少少酒煮过嘅味道。饮品方面做得一啲都唔马虎~ 水果蜜桃茶，有大量嘅水果粒，消暑又解渴。另外一杯系青柠梳打。估唔到依度嘅环境好舒适，亦都冇打边炉嘅烟熏味，一个人黎打边炉又得，仲设有几间VIP房，可以book房一班人黎聚餐！