影片
更多
2024-08-13
1866 浏览
同朋友约咗去启德行街，晏昼行airside原本谂住去五楼食foodmuse，见到侧边有间泰国火锅几好view，想坐得舒服d就去咗四面泰食。餐厅环境都系泰国悠闲风，有大窗可以睇风景，窗外虽然见到对面地盘起紧，但望到蓝天白云心情即刻好好多。餐厅侍应都nice嘅，因为我唔食牛，一人一锅就唔怕要就嚟就去啦。我地几个人分别拣咗三个餐，三款汤底，三款特饮😂😂侍应仲同我地介绍返每只酱料点咩食最好，另外仲有无限量炸虾片提供，btw，虾片够哂脆系好食嘅。美国特色肥牛套餐美国严选牛板键套餐西班牙黑毛猪腩肉套餐每个餐都跟咗蔬菜，菌类，仲有泰式船面河粉，份量都几足料。特别要赞，佢地个椰奶鸡汤锅真系好浓，好好饮，我连饮咗两碗。加汤果阵侍应系用原汤加汤，呢个真系好加分。泰式芒芒碌碌，蝶豆花青柠梳打水，泰式手标波波奶茶泰式手打虾饼够厚够弹牙，香茅鸡翼点酱食都唔错。食到咁上下，侍应拎咗碗甜品嚟，佢话庆祝新店开张，今个月31号前，每位客人都会获送一碗宾粉爽椰椰，系个有冰粉、生果、椰肉珍珠整出嚟嘅甜品。味道几好，椰汁味几重，口感几得意。同fd一边吹水一边食咗两个钟，饱到捧住个肚走。lunch打边炉食到咁饱真系好满足，ha
餐厅环境都系泰国悠闲风，有大窗可以睇风景，窗外虽然见到对面地盘起紧，但望到蓝天白云心情即刻好好多。
餐厅侍应都nice嘅，因为我唔食牛，一人一锅就唔怕要就嚟就去啦。我地几个人分别拣咗三个餐，三款汤底，三款特饮😂😂侍应仲同我地介绍返每只酱料点咩食最好，另外仲有无限量炸虾片提供，btw，虾片够哂脆系好食嘅。
美国特色肥牛套餐
美国严选牛板键套餐
西班牙黑毛猪腩肉套餐
每个餐都跟咗蔬菜，菌类，仲有泰式船面河粉，份量都几足料。
特别要赞，佢地个椰奶鸡汤锅真系好浓，好好饮，我连饮咗两碗。加汤果阵侍应系用原汤加汤，呢个真系好加分。
泰式芒芒碌碌，蝶豆花青柠梳打水，泰式手标波波奶茶
泰式手打虾饼够厚够弹牙，香茅鸡翼点酱食都唔错。
食到咁上下，侍应拎咗碗甜品嚟，佢话庆祝新店开张，今个月31号前，每位客人都会获送一碗宾粉爽椰椰，系个有冰粉、生果、椰肉珍珠整出嚟嘅甜品。味道几好，椰汁味几重，口感几得意。
同fd一边吹水一边食咗两个钟，饱到捧住个肚走。lunch打边炉食到咁饱真系好满足，haha..😂.
张贴
