爭鮮迴轉壽司 (粉嶺中心)

营业中

休息中

粉岭呢间分店系午市时段大多不用等位，想食下寿司就会黎呢度，八蚊一碟，虽然唔系话啲咩上等菜式，但味道，卫生等都收货了。八爪鱼军舰，芥末鱿鱼军舰，军舰都几新鲜做起噃，啲紫菜仲脆。腐皮船，认真抵食，大大旧又足料。三文鱼寿司，一般啦。鲭鱼，几juicy，次次黎到会encore。花之恋，太多酱了。火灸三文鱼，肥美好味。鱼生饭，细细碗但有好多料，甜甜地嘅酱汁好味。海胆军舰，唔算靓海胆，但至少新鲜。鳗鱼寿司，无腥但唔多肥。北寄贝，鲜甜。吞拿鱼？无乜味哈哈。甜品攞左红豆卷，甜甜地个皮烟韧又几好㖞。芒果布甸，有几粒果肉系入面，增加口感。而加减到限时四十分钟，好彩呢间分店无人等位唔会赶客，食到超时都无事。