喜來稀肉 (已結業)

食过午市对喜来稀肉印象都唔错，今日谂唔到食咩就再黎食啦。全店有两处自助泡菜吧，不过1点左右黎到，几款泡菜已经差不多全清，直到走都冇refill过，只试到两款。 白菜泡菜唔会好咸，嫩滑亦系带甜既辣，几好味。茄子就唔太熟有d硬，好一般。石锅烤牛肉 ($90)比想像中细锅，但塞满左牛肉好足料。 调味偏甜，配埋豆酱同泡菜用生菜包住食好好味，生菜refill亦好快手。韩式怀旧饭盒 ($60)肠仔、煎蛋、紫菜等配料同想像中一样，但加盖摇左好耐之后发现摇唔到，只可以用餐具捞匀，冇左个特色，上菜时拎上手已经唔太热，性价比低。