影片
更多
2020-12-16
462 浏览
寻日嘅天气真系真系转凉啦，好冻呀，大褛真系出动啦。咁冻真系一定要打边炉啦，但晚市又冇得堂食，唯有晏昼打边炉啦。咁就去咗铜锣湾呢间牛之锅度打边炉，因为我好肚饿，所以拣咗$118嘅午市两小时火锅任饮任食。🥘汤底我哋拣咗一人一锅，咁就可以食两个汤底啦。我哋拣咗麻辣同埋番茄汤，钟意食辣嘅我钟意将肉同埋丸类放落麻辣汤入面，享受麻辣所带嚟嘅刺激感。番茄汤我哋自己额外再放入番茄同粟米，汤底即刻变得更浓更甜，普普通通嘅汤底即刻变左粟米番茄浓汤，我就最钟意用番茄汤煮蔬菜，可以食到蔬菜嘅清甜味之余，又可以试到番茄汤嘅味道。🍖肉类肉类选择都好多，我哋今次叫咗牛肉、羊肉、猪肉，我最钟意嘅就系牛肉。牛肉有两款—极上牛肉同埋美国肥牛。啲肉都切得好薄，好快就渌熟，啱晒心急嘅我。我自己就比较喜欢极上牛肉，啲肉会冇咁肥，啱我口味多啲。🥬自助区（包括蔬菜类）蔬菜喺自助区，蔬菜有四五种，可以自己喺食物区到任攞，我钟意食生菜，所以我主要都系食生菜，食放题记得要食菜呀，有啲纤维帮助消化，可以再食多啲！自助区仲有生根啦公仔面啦芋丝之类，仲有好多菇类添。🥟写纸落单（包括丸类）丸类基本上平时打边炉有嘅嘢，依度到有，例如龙虾丸啦墨鱼丸
🥘汤底
我哋拣咗一人一锅，咁就可以食两个汤底啦。我哋拣咗麻辣同埋番茄汤，钟意食辣嘅我钟意将肉同埋丸类放落麻辣汤入面，享受麻辣所带嚟嘅刺激感。番茄汤我哋自己额外再放入番茄同粟米，汤底即刻变得更浓更甜，普普通通嘅汤底即刻变左粟米番茄浓汤，我就最钟意用番茄汤煮蔬菜，可以食到蔬菜嘅清甜味之余，又可以试到番茄汤嘅味道。
🍖肉类
肉类选择都好多，我哋今次叫咗牛肉、羊肉、猪肉，我最钟意嘅就系牛肉。牛肉有两款—极上牛肉同埋美国肥牛。啲肉都切得好薄，好快就渌熟，啱晒心急嘅我。我自己就比较喜欢极上牛肉，啲肉会冇咁肥，啱我口味多啲。
🥬自助区（包括蔬菜类）
蔬菜喺自助区，蔬菜有四五种，可以自己喺食物区到任攞，我钟意食生菜，所以我主要都系食生菜，食放题记得要食菜呀，有啲纤维帮助消化，可以再食多啲！
自助区仲有生根啦公仔面啦芋丝之类，仲有好多菇类添。
🥟写纸落单（包括丸类）
丸类基本上平时打边炉有嘅嘢，依度到有，例如龙虾丸啦墨鱼丸呀牛筋丸啦贡丸，可以自己写纸落单嘅。我自己就最钟意墨鱼丸，咬落又弹牙又香。仲有水饺同蛋饺𠮶啲可以叫添。
豆腐、乌冬同响铃都系自己写纸落单嘅。
🍮甜品
甜品都系写字落单嘅，款式都唔少。我就食咗热嘅冰糖雪耳炖木瓜同埋绿茶味嘅软雪糕。两个都唔会太甜，几好嘅。绿茶味嘅软雪糕真系几有茶味，仲可以自己去自助区𠮶度加雪糕嘅配料，例如Oreo碎。
🥤饮品
饮品可以自己去雪柜攞，有酒、汽水同茶类。
张贴
