本家韓國料理

营业中

休息中

舖头有唔同国籍嘅待应，韩国/东南亚国家嘅都有，有时讲英文都沟通唔到，手脚亦唔够利落。佢提供热牛蒡茶，非常特别，饮落有啲似麦茶。*前菜前菜只有一套，冇得添加，非常可惜，因为佢比好多韩国餐厅整得好食，而且好多种类。辣泡菜：酸辣泡菜，比平时食开嘅前菜辣好多酱油茄子：偏向日式调味，但茄子纤维感重甜薯仔：成块连中间都非常甜，非常软腍辣脆肉瓜：6种入面最辣嘅前菜，但好惹味酱油豆腐：日式咸酱油硬豆腐，豆香带啲啲辣冷拌菠菜芽菜：最平实嘅前菜，比较单调淡味炸酱面 $65份量正常size，面底唔系公仔面嘅面，质感偏腍。炸酱有洋葱薯仔脆肉瓜粒，份量多，反而冇乜猪五花肉。炸酱够捞晒成个面，我觉得略为有啲张口。炸酱咸得嚟比较单调，酱汁本身冇咗啲一齐炒酱嘅肉同菜味。冷面 $65原本好靓，但系佢会帮你剪断啲面。配菜有半只熟烚蛋，几片爽脆青瓜腌萝卜雪梨，仲有两片韧又冇晒牛味嘅牛展。面底份量多，系标准韩式荞麦面，细身烟韧，过咗冷河去外面层淀粉，非常弹牙，唔剪断唔得。牛骨汤够冻，清甜唔油腻，加埋醋，酸酸咸咸，非常开胃，透心凉。