影片
更多
2022-06-27
1239 浏览
呢日要到中环街市附近做嘢，又系周围揾食嘅时候，咁啱附近食厦顶楼开咗间日式寿司铁板烧店，竟然临时有位，命运安排下就会一会呢间新店。首次到访，先小试$580寿司Set，有12贯加卷物，份量上算几抵。头盘有鳢鱼天妇罗，属生鱼同科嘅鳢鱼炸过后锁住鱼香，上面加咗些少梅酱，几特别。沙律以芝麻酱做汁，特别在有两件莲茎，虽冇乜味但口感爽脆，食落清新。蟹肉茶碗蒸上面有鲜味嘅蟹肉丝，蛋底亦做得够滑。前菜食完，师傅亦准备好面前嘅寿司姜、蒜头渍同彩色芝麻牛蒡，佐菜款式都唔会吝啬，感觉唔错。跟住就系12贯握寿司：- 右口鱼，口感软腍清新，加上辣萝卜蓉带起甘甜- 池鱼，加左些少姜蓉葱粒辟腥，入口更加怡人- 新鲜帆立贝，只需用一点柠檬汁吊味已够鲜甜，贝肉咬口亦实净- 赤身酱油渍，豉油轻腌一阵，赤身更显甘香软嫩，芝麻碎同新鲜紫菜亦俾到旨味点缀- 黑鯥鱼，鱼皮部分轻炙嚟释放油分，鱼味及油香兼备- 深海池鱼，表面加左柚子皮，增加果香及开胃感- 中拖罗，质素非常好，厚切冇筋而且入口即融- 牡丹虾，用返即拆烧虾膏调味，烧过的浓郁虾香令虾肉层次提升- 火炙银鳕鱼BB，师傅话细条3kg以下先可以用嚟做刺身，肉质松软亦有油润感-
首次到访，先小试$580寿司Set，有12贯加卷物，份量上算几抵。
头盘有鳢鱼天妇罗，属生鱼同科嘅鳢鱼炸过后锁住鱼香，上面加咗些少梅酱，几特别。沙律以芝麻酱做汁，特别在有两件莲茎，虽冇乜味但口感爽脆，食落清新。蟹肉茶碗蒸上面有鲜味嘅蟹肉丝，蛋底亦做得够滑。
前菜食完，师傅亦准备好面前嘅寿司姜、蒜头渍同彩色芝麻牛蒡，佐菜款式都唔会吝啬，感觉唔错。
跟住就系12贯握寿司：
- 右口鱼，口感软腍清新，加上辣萝卜蓉带起甘甜
- 池鱼，加左些少姜蓉葱粒辟腥，入口更加怡人
- 新鲜帆立贝，只需用一点柠檬汁吊味已够鲜甜，贝肉咬口亦实净
- 赤身酱油渍，豉油轻腌一阵，赤身更显甘香软嫩，芝麻碎同新鲜紫菜亦俾到旨味点缀
- 黑鯥鱼，鱼皮部分轻炙嚟释放油分，鱼味及油香兼备
- 深海池鱼，表面加左柚子皮，增加果香及开胃感
- 中拖罗，质素非常好，厚切冇筋而且入口即融
- 牡丹虾，用返即拆烧虾膏调味，烧过的浓郁虾香令虾肉层次提升
- 火炙银鳕鱼BB，师傅话细条3kg以下先可以用嚟做刺身，肉质松软亦有油润感
- 喜知次，轻炙后配埋炸大葱丝，少许油香好吸引
- 火炙大拖罗，油脂足够，入口亦冇筋
- 北海道根室松浦水产赤海胆，上面加上淡雪盐，特别在于用嚟盛载嘅米饼，系用寿司赤醋饭打碎风干再炸，用香脆映衬海胆嘅creamy，一试难忘
卷物就系用吞拿鱼粒，师傅特别用埋鱼皮下脂肪嘅鱼油，增加香气，腌黄萝卜、葱花、炸浆粒亦令口感丰富好多，紫菜都够哂脆口。
味噌汤加左鲣鱼丝，增加左鱼香之余亦有嚼口。
寿司蛋系偏向布甸质感，甜度刚好，喺食完12贯之后，就好似饭后甜品咁满足。
甜品系芝麻、绿茶雪糕，芝麻同绿茶味都好浓，各有千秋。
张贴
