牛極 (大全街) (已結業)

近排香港好似都开几多依类型餐厅，估唔到大角咀依度都开左间，原先以为依啲通常都可能要接近一百蚊左右。点知经过见到门口有lunch set餐牌，最平嘅餐系$50，价钱几吸引咁就一于黎试下。好彩黎嘅时间都尚算早，唔洗等位。入到去我地即刻用机器买餐先，平嘅lunch set选择唔算多，得几款拣，我试左个最平嘅鸡扒，另外见到有鳗鱼可以拣($60)，好似都几吸引咁，下次谂住试。如果想食牛肉，就要拣翻平时menu，无特价，见到周边原来都几多人食牛。落完单就可以先去自助区攞野食，有味增汤、沙律菜、白饭可以无限refill，食完啲前菜其实都已经有啲饱。主菜黎到嘅时候，发现块鸡扒比我想像中大块，鸡排都几嫩，配埋烧肉汁送饭简直一流。佢啲分量真系几多，再加上白饭沙律菜任食令我觉得成个set cp值超高，男仔都一定会够饱。