茶木‧台式休閒餐廳 (已結業)

「为食星球人觅食之旅（7）」星球人又来一个人的午餐，口痕想食台湾野所以就去咗teawood。叫咗个午市套餐定食，包一杯野饮同埋一款小食，嘢饮叫咗茉莉花香奶茶，好好味清淡嘅茉莉花香。盐酥排骨炸得好啲松脆，但系略嫌炸粉太多，好在食落口唔会太油。卤肉饭的肉同汁嘅分布都好平均，整体系好食嘅，不过如果可以多啲肉燥就更好啦～套餐送嘅小食有几款选择，我拣咗呢个墨鱼丸。最后加多一个台湾拼盘三味，左边嘅糖心蛋好好味，中间𠮶个应该系糖醋骨，捞饭真系好夹，右面系四季豆同豆腐干，略嫌太过干。（7）服务员态度都好好，叫左好多次加水，每次都会面带笑容咁过嚟枱边服务，一间比到我亲切感嘅餐厅～～good！