Ocio (東港城) (已結業)

坑口站东港城有间《Ocio》，装修简约，以木系为主，有种大自然气息，而且空间感大，座位宽阔，感觉休闲自在。午市套餐选择丰富，包了餐汤和饮品，而且可以配搭不同小食，每款都相当吸引。左拣右拣，叫了两个，打算和朋友share食：- 意大利猪面颊肉配南瓜意大利饭- 香煎石斑柳伴薯蓉香草忌廉汁- 韩式鸡锤（追加）- 绿茶红豆麻糬窝夫，云呢拿雪糕哗！主菜一上，估唔到份量咁惊人，我可以讲比起其他餐厅起码多20%！就连追加小食的份量都好足，我觉得同一个主餐冇分别。韩式鸡锤五大件，仲有好多薯条放底，非常饱肚！新鲜炸甜甜辣辣好惹味！讲返主菜，意大利饭是熟透的，如果唔钟意食半山熟的意大利饭，呢个一定好啱食。南瓜蓉相当美味，将咸香味的猪面额肉切成细粒拌饭，非常美味！香煎石斑柳一样大大份！将外皮煎香，鱼肉嫩口！最爱香草忌廉汁，再拌薯蓉和鲜味鱼肉，清香可口！至于甜品，四片窝夫份量一样大满足！绿茶夹心窝夫加麻糬，烟烟韧韧，加上云呢拿雪糕，虽然已经超级饱，但一样越食越想食！整体感觉的确系美味又抵食，午餐水准，餐厅舒适度，份量和价钱综合而言，性价比相当高！