海東軒

营业中

休息中

老板话约食午饭，我哋唔想次次都食日本嘢，醒起之前同屋企人未饮过下午茶唔错。咁就拣咗呢一间。四个人嗌咗个午市套餐，另外加咗两个点心，五百蚊埋单性价比都OK。春卷皮几薄，里便啲虾肉包得满满的。个套餐最正系有叉烧同埋小菜。个叉烧呢度都处理得唔错肥瘦适中又够厚身。老细怕骨唔食鱼，但系个班头腩真系几香浓，就算食到尾冻咗都唔腥。虾饺同肠粉个皮做得几薄，其实平时饮茶好唔系好嗌肠粉就系惊佢太厚皮打爆咗。另外加𠮶个棉花鸡就弱鸡咗少少，鸡肉份量唔系好多，当中还有两件鸡颈，系鸡颈OMG！好彩个饭都炒得相当干身，食埋个糖水超满足。