牛繁 (MW Plaza) (已結業)

好耐冇食烧肉，今日嚟到尖沙咀嘅牛繁，见到有午市烧肉套餐，一于试吓。特选薄切牛肩胛片套餐牛肩胛片肉质较为结实，薄切韩烧就最啱，可以话系入口即溶。腌料拣咗秘制酱汁，甜甜地嘅酱油味，唔会掩盖牛肉本身嘅牛味，十分出色。元气牛小排套餐牛小排即系平时叫开牛仔骨嘅部位，油花较多但分布均匀，切割较为厚身，令到食落更有口感。除咗骨头附近嘅位置，整体筋膜少肉质细致软嫩多汁。追加 日本鸡三角鸡三角原来都系鸡软骨嘅一种，形状系三角形，软骨部分较多，食落香脆可口。拣咗味噌酱，咸中带甜浓淡适中，但加咗腌料容易烧㶶，要份外小心。每个套餐仲有前菜、饭、面豉汤同大大杯乌龙茶，饭仲可以升级做温泉蛋饭、茶渍饭、冷面等，选择众多适合唔同喜好嘅人。