海東軒

营业中

休息中

新开酒楼同屋企人嚟试吓下午茶，中式酒楼嚟讲啲茶杯透明几特别，有隔热层唔怕焫亲手。同埋呢度啲茶叶几好饮落去都几顺口。讲返嘢食先，啲点心总体嚟讲都唔算浓厚，可能新开张都需要有啲适应期。带咗个叉烧配生面，唔好谂住下午茶Hea，佢啲叉烧件数都几足，同埋唔会硬柴柴。肠粉都顺滑但厚左少少，不过值得赞系佢个白花酿尖椒，用物鱼滑盐唔系用鲮鱼肉食落去虽然系淡啲，但系就几弹牙。野菌饺同虾饺个皮都够薄。另外个斑斓椰汁糕青青地几好食个椰汁糕中间仲有椰子肉碎有啲咬口。系个鱼皮就孤寒咗少少太碎冇乜口感。好彩鱿鱼须系我钟意𠮶种薄粉浆嘅口感。干炒牛河都好有镬气，不过就系好似唔记得咗落盐咁。不过整体嚟讲呢餐下午茶都相当满意。