彤福軒

营业中

休息中

呢一间一直想试，但系印象中好似成日都两位起，我系一定系食lunch嘅，夜晚六点后唔想食淀粉质𠮶啲再睇返见到佢一人餐，唔记得定系点样啦，对顺德菜好似无感，但都有少少想试佢嘅炒鱼面。𠮶时睇嘅一人餐都无呢样，一定系卡拉卡拉咁出。但系都决定去试一次侍应带位叫我坐呢个位我都有啲奇怪，点解唔系坐梳化，一坐低原来系俾你睇海景😂 三个点心都非常饱满好食，有啲贵嘅中菜套餐。套餐入边嘅点心好似非常Hea，系完全存在于套餐咁。你散叫返佢同一样嘢又表现好好。呢度唔会，出嚟嘅质素系你散叫都食到咁样。 炖汤，粒瑶柱超级大粒，食落仲唔会好嚡口摄牙，处理得非常好。我原本都冇谂住食，但系咬咗少少之后质感真系好好，我系有食晒。 记得之前食新同乐又系有瑶柱炖汤，我系啲唔食汤渣嘅人，我将瑶柱同埋啲花胶、瘦肉粒包起拎返比狗狗食。（唔好闹我，佢哋食少量嘅盐系可以嘅，我最少睇四五本狗狗鲜食既书）好有镬气好鲜甜，系弹牙嘅。但系咸咗啲。如果有白饭送吓就好。呢个就好普通，唔记得系咪鱼汤，但系啖汤唔算好饮，𠮶粒鱼腐都好普通呢个咸咗啲，同埋乌冬嘅话上枱时间都系紧张啲，涨涨地….如果乌冬转咗做炒饭，或者系佢嘅招牌炒鱼面，我会觉得呢餐系完美嘅。