稻香超級漁港 (朗屏商場)

营业中

休息中

心血来潮来到朗屏稻香饮茶，原来午市有30蚊两款点心套餐，假日要加多四蚊，不过呢个价钱嚟讲都好平啦。⭐红油抄手点咗红油抄手，抄手本身几好食，但上面冇乜红油，相反醋就落多咗，食落去酸酸咸咸有啲怪。⭐炸云吞炸云吞几正常，炸得好脆，酱汁酸酸甜甜好味㖞。⭐炸韭菜饺大大只又饱满嘅韭菜饺，炸得香脆。⭐肉丸鸡粥煲仔粥边有三粒肉丸同两件鸡，粥绵滑，食落有鸡味，都几好食㖞。⭐烧卖烧卖分三款口味，上面有黑松露、鲍鱼同带子，味道偏咸，烧卖异常地细粒…⭐冬菇包最后仲有冬菇包，个外形真系几似冬菇，入面包嘅馅系切碎嘅杂菌同黑松露酱，食落有菌香。两个人点咗六个点心，计埋加一大概70蚊左右，几平呀。