金鳳大餐廳 (金鳳樓)

营业中

休息中

今日中午嚟到呢度食饭，四个人去到大概12:30左右。今日唔算多人，等一张枱就到我哋，大概等咗10分钟左右。今日嘅午餐得三个，有蒜蓉猪扒，咖喱鸡球，同埋香煎牛脷。既然冇牛扒就叫咗个牛脷配薯菜黎试吓。午餐有包一个餐包、一碗餐汤（可以拣红汤，或者白汤）仲有嘢饮（冻饮系唔使加钱），连埋个牛脷配薯菜，总共$62，都几抵食。忌廉汤唔错，入面都足料，有唔少肉同埋蘑菇，几好饮。餐饱有附牛油，搽咗牛油之后好好食。个牛脷都唔错，咸咸地，配埋啲蒜蓉汁，系啲薯菜略嫌少咗啲。冻柠茶正正常常，唔算大杯。总括嚟讲，呢度价钱合理，食物质素OK，系坐得迫啲。