廚十三老壇酸菜魚 (渣甸街) (已結業)

厨十三都几多分店，今日晏就黎试佢既酸菜鱼。拍青瓜，酸酸辣辣好惹味 。重头戏酸菜鱼二人份好大一碟，我额外加咗宽粉，不过宽粉系比较厚果只，我个人就中意食薄同透啲果只。其实唔使加宽粉都得，因为本身入面都有几多粉丝，除咗粉丝仲有芽菜，豆腐，莲藕片。配咗白饭，酸菜鱼汁捞饭真系一流，啲鱼既骨都去得干净，食落都冇一块鱼肉食到有骨。呢间午市几抵食，不过呢间既酸菜鱼就冇得俾我拣辣度，食落我觉得系小辣左右。其实餐牌仲有好多小菜，不过两个人食呢一大碟酸菜鱼已经好饱，有机会都想再黎试其他菜式。