泰國廚房

营业中

休息中

泰国厨房个位唔系话好就脚，基本上每次光顾都系揸车泊喺粉岭法院后面，全港唯一4蚊一个钟嘅咪表停车场。佢门口对住单车径嘅隧道，餐厅里面有舒适装修同冰冻冷气，简直一天一地。午市供应饭餐同汤粉，五六十蚊连特饮，以环境计唔过份。香矛猪扒猪手金边粉，汤底甜美，金边粉有咬口。香矛猪扒稍嫌细块同干，猪手无乜肉，唔推介。可取处系份量好足。泰式海南鸡配油饭，鸡够滑嫩同已经去骨，食得放心。一旁嘅点汁够惹味。鸡油饭未够油，味道不过不失。