大喜屋 (已結業)

是日与家人一行8人打算招待亲友来到大喜屋食放题。小妹都系第一次食大喜屋，但早就听过朋友推介哩间放题正，但因为晚市人多就拣左中午黎食!! 今餐因为等待亲友到来，一点坐底，两点先人齐，好彩中午放题系无限两小时，一开门到三点都系任食! 算系咁啦 !环境舒服! 明显系走高档路线，平日人唔多! 位都好宽松!刺身新鲜，特别强烈推介极大海老，鲜甜到极，值回票价!而其他北寄贝同螺片都好新鲜!剌身款可能唔算太多，但每样都足料厚切，未见有叫左唔黎的现象。一行8人边倾边食，天妇罗等炸物很新鲜，炸虾的肉仲系脆，油系金黄色，小妹谂油应该系定期换所以炸物唔会太老! 熟食方面握介日本烤薯，细细块唔饱肚但好甜不过同样地，小妹试左烤鳗鱼，小妹觉得肉就够厚身，但调味料略嫌太甜，或者其他朋友喜浓味都会岩食。另外，创作寿司细细旧几得意，唔会「济」之余可以试多样野，小妹欣赏虾类，够新鲜。而芝士焗蚝系大喜屋的卖点，其他放题店应该无，焗蚝还可以。食完每人得到一杯「季节限定」雪糕，小妹食左哈根达斯，亲友食左milk top !