燒鳥亭 (已結業)

今日上昼响天后提早完成工作，奖励下自己揾好野食。一直都想去烧鸟亭试，今日就机缘巧合午市可以去试到定食！差唔多1:45先去到，人流少，我一个人就被安排坐bar枱，食物要稍为等下，好在今日有时间，可以悠闲慢食。午市有十多款餐可以选，由鲭鱼，银鳕鱼，烧牛肉，烧鸟定食，野菜定食，价钱由$68-98不等。今次order左野菜定食，有面豉汤，冷乌冬，冻豆腐为前菜，主菜有烧鸡肉冬菇串，烧烟肉番茄串同烧豚肉豆角串（忘了正式名字，豆脆身内里黏黏的），配上一碗鸡肉冬菇碎饭，味道份量都ok。唯一面豉汤好似多左水，味道较淡。如果嫌份量唔够，仲可以散叫鸡翼，银杏等串烧。甜品仲有新鲜菠萝。总结：食串烧一般都较高消费，午市价钱就非常抵，而且味道ok，值得一试。