喜聚坊

营业中

休息中

又到lunch时间，又要为食乜而烦恼。。。行行吓见到大大块红色招牌，就望吓有咩食，见价位ok，就入去试试！入到去环境似旧式茶楼，食客就多数系附近嘅地盘工人，同年纪较大嘅人，所以环境比较嘈。未落单就送上例汤青红萝卜煲猪骨汤，一人一碗，味道偏淡，不过胜在冇味精！我叫咗个手撕鸡饭，卖相吸引！手撕鸡连同青瓜、木耳，加入四川辣汁捞埋一碟，辣辣地配白饭，格外开胃！同事就叫咗碟牛河，牛肉大大块，加埋通菜湿炒，用料十足，味道一流！埋单每人只系$50，名副其实大件夹抵食，一定会再帮衬！