響 居酒屋 (已搬遷) 新店位置

原来观塘丽港城近海边嘅一带有咁多餐厅。今次上黎鸿图道尾嘅呢间日本菜。午餐简直系抵食到不得了。最近做紧抗疫优惠有八折添！本身午市餐牌都唔贵，简直系呢一带番工嘅福音。今次上黎食左个鳗鱼饭，呢款鳗鱼系嫩身，调味偏咸，份量都唔细，配饭都正正常常。另外加左两款刺身，分别系油甘鱼同三文鱼，食落都新鲜滑溜。另外本身跟前菜、汤、饮品。食落超丰富。呢度老板咁啱生日，请全场食蛋糕🍰！好窝心～呢度嘅场地其实超大，目测坐到过百人，仲有个好有日本特色嘅区域可以饮酒，另外仲有包房可以容纳十几二十人～