牛一 (元朗廣場) (已結業)

元朗呢间牛一我帮衬到第三次了，次次都系食午市放题，我觉得个性价比ok高。首先环境比一般打边𬬻阔落，坐得好舒服。午市放题有两只，一只系90 分钟一只系60 分钟，凭我食o左几次o既经验，60 分钟系够o既，因为佢个𬬻滚得好快，但overall 个用餐体验会无咁好，可以自己再judge。肉呢系跟o左餐，得一份o架o者，真正o既放题部份系菜呀、面呀、丸呀o个d，但其实都好多o野食。比较特别o既有荞麦面、黑色o既墨汁豚肉丸同一款入面系年糕出面有层类似腐皮咁o既丸。野饮包晒(自己斟o个d，非罐装) 汽水、果汁，甚至有茶包你想冲茶都得，几好。不得不提(亦系我o黎亲必食)  o既系d 乳酪雪糕(其实仲有正常雪糕)，本身唔太甜o既酸奶味，可以自己加好多唔同o既款料好似绵花糖、仆仆脆等等，好好食呀…出面单买都$30 几一杯啦。