食雞

营业中

休息中

午市放题$278免加一，由12点食到4：00兼且可以坐到6：00。有咩食？主要系食鸡煲，可以添加，亦可以转口味（有6款，其中2款要额外加钱）。鸡煲系用一整只芝麻鸡即制，所以需时15-20分钟，上枱后再焗多2-3分钟。养生正气鸡煲，先试呢款，费事一开始食辣咁激。味道偏咸，似盐水鸡味道，配菜有虫草花、莲藕片、冬菇、豆卜，味道可以。招牌川味鸡煲，可拣不同辣味（BB辣）麻味（正常），酱汁很惹味，够浓味，有层次，味道不错。两煲嘅鸡啲肉都算滑，胸位肉都唔太嚡，不错。本来想试埋芝士鸡煲，但怕好漏好滞，所以放弃了。但又食多次川味鸡煲，结果前后总共食咗3煲。食完鸡煲，转打边炉（已经七成饱），汤底（蕃茄粟米猪骨，另可加钱要其他汤底），食完浓味嘢，清清哋都几啱。肉类得两款（牛、猪各一款）。安格斯牛肩胛肥牛，劲大片，而且都厚身，唔肥，有牛味，不错。美国黑毛猪梅肉，同样大片，爽口，唔太嚡，OK。火锅料另外仲食咗牛柏叶、墨鱼丸、鱼皮饺、炸鱼皮、响铃......，都系啲正常普通嘢。饮品除酒类外（额外收费），自助去雪柜拎，除咗汽水、纸包饮品外，最正系有细支装竹蔗马蹄、蜂蜜雪梨、杞子白菊。