九重鮮 (已結業)

今日系星期日劲唔想出街，但我又因为朋友出咗街，靓女话要我食饭我冇理由唔出啦，佢好有钱。我地去黄埔九重鲜食完嘢去旺角食雪糕。我地食午市放题，$298一位加一，我地仲加咗$13任饮无酒精饮品。每人都会有一份龙虾、鲍鱼、带子。任食方面，有海虾海蚬鲜蚝，但今日唔够蚝，每人都有五只，不过餐厅就安排就有任食青口。除咗一啲小食，仲有大量川烧、烤肉、天妇罗同埋银纸烧。我地两个肥婆叫咗好多嘢食，我重点介绍几样啦。全部海鲜好新鲜，啲虾同青口仲识郁，生命力顽强。我最中意系龙虾，啲肉同膏都好鲜甜。今日学到青口身上执毛叫足丝，俾佢捉住麻绳或礁石，抆咗佢就食得。啲蚝都唔错，但朋友竟然唔食蚝！甜品系椰皇三重奏，好好味！有椰丝、椰浆同埋椰汁啫喱。中意椰子嘅朋友唔好错过，估唔到咁简单嘅甜品都好有惊喜！因为唔知乜系银纸烧，所有我叫咗，其实即系烧银色嘅纸(锡纸)，店员上菜之后会点火，个火熄咗就食得。几特别，入面蚬有虾仲有啲好入味嘅粉丝。其他小食有串烧、烤肉、天妇罗，款式劲多、味道正常发挥，等紧啲海鲜𠮶时可以食下！