JK Brother’s (已結業)

传闻呢间火锅店好抵食, 当日就约左朋友黎试佢既午市火锅。$88再加一可以食两个钟, 价钱几抵。惊walk in 会冇位所以就一早上网BOOK定, 但当日唔算多人, 坐左大约铺头既一半枱。一拣完个汤底(我地拣寿喜烧汤)就即刻出去拎配料同小食。俾我地拎到呢度出名既牛角包应该系新鲜出炉好香脆, 餐厅写明每位一个限拎一个牛角包, 不过在场好多人都唔止拎一个炸物佢冇介绍系咩, 所以我地每款都拎一粒试下。最特别有一款系炸香蕉糕, 真系第一次咁食, 但香蕉糕偏甜, 食半粒已经好够。见D丸, 菜都熟, 我地就食啦, 点知个汤底劲咸完全系豉油味, 搞到全部配料都系得个咸味, 食唔到食物原有既味道, 完全系浪费左D野食。如果拣其他汤底, 我地应该会食到多D野。另外牛肉虽然话可以任叫, 但上完第一碟肥牛, 想再叫既时候, 你系唔见有职员。过左一个钟之后, 职员就主动每枱上多碟肥牛, 其实同限量冇分别。