烤魚世家雞煲火鍋 (已結業)

記得前幾日經過青山道，收到阿姐派的傳單，午市烤魚餐$68都可以食到？好吸引。於是今天專程和先生去試下。我超愛食魚，又不怕魚骨，本來想和先生一人一條，但他想試其它小食，於是我們叫了一條最貴的魚加其它菜和肉，再加兩個小食和大大杯凍飲，埋單每人都只是$150，好抵食。下次再來我要一個人享用一整條，相信會更加滿足。午市烤魚餐（$68-128）🔶沙巴龍躉配薯粉（$128）+豬潤 +牛肉（各+$7）+時菜+萵筍條+白蘿蔔+娃娃菜（各+$4）烤魚有幾種味道有辣有唔辣，我們選了香蒜味，它本身有少許辣，加蒜蓉和芫荽很惹味。龍躉開邊煎過才放湯，上枱時還有小火爐保溫。龍躉肉質爽脆清甜，多肉少骨，魚皮膠質豐富，食到舔舔脷。加配的肉和菜是灼熟後才給我們的。豬潤灼得剛好，牛肉也很嫩滑。蔬菜類每樣都是$4，份量足夠。小食🔶炸腐皮蝦卷（$58）🔶椒鹽一口豆腐（$48）兩款小食都是即叫即炸，非常香口和香脆。飲品🔶薄荷鹹檸雪碧（$35）凍奶茶（跟餐+7）薄荷鹹檸雪碧超級無敵大杯，有兩粒鹹檸檬好夠味，薄荷糖漿適中，不會過濃。早知咁大杯就唔洗加叫奶茶啦。