至尊重慶雞煲 (創興廣場)

营业中

休息中

上星期老友约我嚟旺角，我地都想食任食打边炉，最后系呢幢大厦拣左至尊重庆鸡煲。见佢价钱唔贵，又有多种类食材种类。嚟到先知原来除左辣鸡煲，仲有芝士鸡同椰子鸡煲。朋友话夏天想试下椰子鸡煲解暑又清新，估唔到鸡嘅份量咁多，仲要系成煲椰汁做汤底，香甜好味到呢！落完食物就出去拎饮品同配料。呢到都好多选择！啤酒任饮，真系好抵。食材方面，我地系出面拎左响铃，鱼皮等等。至于海鲜，丸类，肉类同饺子就电子落单。海鲜够晒新鲜，只虾上台仲系旭旭下。另外点左生蚝，鲩鱼腩，水鱿，蚬，扇贝等等，超满足。肉类都有好多款，包括各式靓牛肉、猪肉、羊肉等等，任君选择。椰子鸡煲嘅鸡，有个计时沙漏比我地睇时间，够晒贴心，鸡系三黄鸡，真系好有鸡味，啖啖嫩肉，非常好食，性价比极高。另外都试下各种蔬菜、饺子同丸，最正必提一定系佢有咸蛋黄流沙馅料嘅手打丸，邪恶到爆炸，但十分好食！另外呢款猫手掌系咪都好得意！甜品方面，有各式雪糕雪条、啫喱、豆腐花等等，食完热野又食冰冻甜品，咩都满足食！呢到服务都好好，地方又够大，午餐时间仲要无限时任食，值得再访，下次嚟要试埋重庆鸡煲！