佐賀山田 (已結業)

大力犇组合（$98）美国牛胸腩（100g），有牛味，但稍为嚡。美国上级牛肋肉（100g），稍肥，但软腍。牛舌（80g），爽口冇筋。豚牛三合（$98）厚切豚肉（80g），五花腩肥瘦适中，肉质弹牙，厚切有口感，有咬口。猪颈肉（80g），爽口。美国牛板腱（80g），比较嚡，仲有啲韧。两款套餐除咗肉，仲有大啡菇半个、粟米芯、青椒。另外可以出去自助区拎饮品及嘢食。饮品都系一般嘅汽水/茶/等等。熟食有沙律菜、冻豆腐、螺肉、中华沙律、菠萝、粟米。生食嘅就系一般火锅材料，首推系鱼糕片，放上炉度烤一烤味道不错。还有白饭/面豉汤，有日式咖哩汁，紫菜碎，饭素，生鸡蛋。最后就系甜品，有几款甜点，仲有明治雪条。因为系午市套餐，所以得60分钟，老实讲有些少赶，但一百蚊左右有咁多嘢食，而且味道唔差，其实好抵食。