伊賀日本燒肉料理 (已結業)

好耐冇食烧肉放题啦💕既然近排生左咁多暗疮系脸，都唔差在再食热气野啦😂平时食放题大部分都会去旺角，旺角去得多，今日男朋友就带左我黎尖沙咀既伊贺😆位置好易揾，k11一出行过一条街就到啦。食物款式几多选择，除左有肉类，海鲜，蔬菜，炸物，小食之外，仲可以加钱叫刺身丼饭。甜品仲有惊喜😍男朋友就系知有呢样甜品所以专登带我黎😘首先讲讲肉类。份量好体贴，叫1份会有两小块，方便我地两个每样试少少。唔洗惊食得太饱，留肚试多d食物。猪颈肉推介! 本身加左调味，唔洗额外点酱都已经好好味。相反猪大肠比较失色，唔知系咪我地烧得太耐，几旧都硬骨骨，又咬唔烂。再黎系蔬菜。牛油粟米冇得输呀😍😍好耐冇系街食过咁香牛油味既粟米，麦当劳完全冇得比。本来想叫多两三碟，可惜要留肚俾我的最爱，所以都冇加😂讲到炸物，就系期待已久既榴梿球啦😘😘估唔到榴梿球咁足料，入面既榴梿肉比其他放题餐厅多。另外香芋球都唔错，系放题必点食物呀。餐厅仲可以点酱料😏😏钟意食蒜或沙律酱既人必点!!刺身都有得食😎虽然质素唔系太好，不过烧烤食下刺身都几过瘾呀。仲有唔同寿司同物选择