緣味小聚 (金百利廣場) (已結業)

今日阿妹过嚟揾我食Lunch，由于我地呢排都去咗旅行，手紧，所以就揾到呢间都算系抵食嘅午市套餐食蒸饭，一笼蒸饭，配蒸点心，仲有灼椰菜。仲有嘢饮。我地都觉得抵食，再加上宜家出去食饭呢，好少有菜食。所以我地可以食到热辣辣嘅蒸锅再加一碟菜真系几满足。我就拣咗蒜香开边蒸大虾饭，只虾大唔大只我就唔系好介意，食得鲜甜就足矣。蒜香再加啲豉油捞饭就一流啦。阿妹都几钟意食佢啲蒸点心，有几款糕点嘅，包括马拉糕，菜苗饺，燕麦糕，蒸粉果，一样一件，浅尝即止，唔会觉得饱滞。