鋿晶館

营业中

休息中

朋友突然来电想约我食午饭，临急临忙唯有近近地喺附近呢间酒楼揾食，由于未到1点食午饭时间，所以都即时有位，坐低见佢有个午市自选套餐$238可以选三款点心、一款小食同一款粉面饭，于是决定叫个套餐再加多个点心。首先个粉面饭就拣咗个黄金球海鲜泡饭，黄金球原来就喺一大嚿球状嘅饭，外面煎到脆脆似食饭焦嘅口感，入面就喺正常饭嘅口感，汤底喺蕃茄芫茜海鲜汤，海鲜配料就有带子、虾同鱼，汤好鲜甜，整体十分好味！小食就拣咗个咸菜猪肚，猪肚份量都有唔少又够淋，但个汤咸菜味唔够出又唔够热。三款点心就拣咗黄沙猪润肠粉、南翔小笼包同黑椒金钱肚。黄沙猪润肠粉，猪润喺切到一条条，肠粉皮唔会太厚，味道ok。南翔小笼包就最出色，咬落去充满汤汁，一唔小心就会汤汁四溅，味道非常好，另外个黑椒金钱肚就几惹味，金钱肚下面垫咗几嚿白萝卜，金钱肚够哂淋又入味，唔错。另外加咗个意头点心横财就手，猪手份量算多，下面有啲花生垫底，猪手稍嫌唔够淋但味道都唔错。