沖繩二段料理 (曉悅)

营业中

休息中

朋友问点解咁钟意去长沙湾食嘢，无他嘅就系小店多。横街窄巷无数，所以孕育咗唔少可以坐落地舖嘅小店。今次试嘅系冲绳二段料理其实同朋友食过几次，平均质素都几稳定，而且会keep住update个Menu，都俾到我哋新鲜感，所以我地间唔时就会去食，都试吓喺度推荐俾大家。蜜糖芥末鸡香脆juicy😋⭐️⭐️⭐️⭐️/5首先系蜜糖芥末鸡，一如以往嘅大份，而且炸得好脆。有时出面食，如果啲汁令到炸物变软变腍就争好远，最怕呢啲。但系呢度系香脆嘅，咬落去仲juicy，鸡肉都算嫩。加埋个汁都几鲜甜，浓淡适中，挂上去啲炸鸡度刚刚好。最惊喜嘅系好多洋葱，索埋啲汁，简直一绝。蕃茄芝士饭⭐️⭐️⭐️/5呢度嘅饭类似意大利米，好索汁。佢芝士同蕃茄汁都丰富嘅，几惹味，亦都同炸鸡好匹配。只系今次略嫌煮得耐。之前都好好，希望店家留意啦😎。整体而言鸡块大份多汁，饭虽淋了点，但可接受。最重要系选择多样！意粉乌冬炖饭一应俱全，甜品亦唔错🍮，算性价比高，系附近上班族嘅好选择。