影片
更多
2019-05-26
122 浏览
星期五决定揾个好地方食lunch奖励下自己，系威灵顿街往上环方向行到尾有呢栋The Wellington，上UG/F就有呢间装修超靓既Zentro。呢间原来系出名食炭烧食物既，仲用系用备长炭添。入面有个好靓既酒吧。侍应都系外国人。前菜沙律（跟餐）先黎个前菜沙律，都几大份，有烧过既南瓜添，跟义大利香醋，好开胃。炭烧天多尼式澳洲120日谷饲黑安格斯肉眼 配薯条及杂菜（$168）第一次食炭烧既肉眼扒，好特别，烧完之后块扒系橙橙地色架。闻落仲要系阵阵肉类炭烧后散发出黎令人流晒口水既香气！lunch都可以食到BBQ食物真系好幸福。餐汤系菠菜蘑菇忌廉汤。银鳕鱼西京烧定食配味增汁 跟前菜沙律白饭及咸菜（$148）劲好食既银鳕鱼，滑嫩既鱼肉一片片可以摊开咁食，骨又大大条非常容易拆，鱼既鲜味无得弹，加上甜甜地咸咸地既味增汁，呢味送饭简直一绝。因为系日式定食，个汤就变左面豉汤，都系非常好的。黎到呢间野无理由唔食番呢度既特色，所以都叫左三串烧物。鸡胸软骨（$30）、日式烧鹅肝拼豆腐干（$68）、蘑菇（$16）。餐饮品包果汁/汽水或者加$15要咖啡或茶。我叫左绿茶。呢度午市唔算人多而且环境好chill，地方适
前菜沙律（跟餐）
先黎个前菜沙律，都几大份，有烧过既南瓜添，跟义大利香醋，好开胃。
炭烧天多尼式澳洲120日谷饲黑安格斯肉眼 配薯条及杂菜（$168）
第一次食炭烧既肉眼扒，好特别，烧完之后块扒系橙橙地色架。闻落仲要系阵阵肉类炭烧后散发出黎令人流晒口水既香气！lunch都可以食到BBQ食物真系好幸福。餐汤系菠菜蘑菇忌廉汤。
银鳕鱼西京烧定食配味增汁 跟前菜沙律白饭及咸菜（$148）
劲好食既银鳕鱼，滑嫩既鱼肉一片片可以摊开咁食，骨又大大条非常容易拆，鱼既鲜味无得弹，加上甜甜地咸咸地既味增汁，呢味送饭简直一绝。因为系日式定食，个汤就变左面豉汤，都系非常好的。
黎到呢间野无理由唔食番呢度既特色，所以都叫左三串烧物。鸡胸软骨（$30）、日式烧鹅肝拼豆腐干（$68）、蘑菇（$16）。
餐饮品包果汁/汽水或者加$15要咖啡或茶。我叫左绿茶。
呢度午市唔算人多而且环境好chill，地方适合同同事聚一聚倾下偈轻松下。
张贴
