肉浦團火鍋放題

营业中

休息中

今次拣左呢间肉浦团火锅放题，同好姊妹一齐食晏，放题任食由 ＄198起，可以食足90分钟。餐厅内环境宽敞又够开扬，食客坐得舒服。我哋拣咗清酒味噌卜卜蚬汤底，锅底一上枱已经闻到淡淡嘅味噌香。仲可以食埋啲蚬添。一黎首先会有梦幻牛肉拼盘，入面有牛肋条、牛颈脊、牛板腱、安格斯牛小排同牛五花，另外我地仲叫左澳洲M5和牛牛肩胛同封门柳，封门够滑又有肉味，我地encore咗好多次。自助区有好多唔同嘅选择，仲要系属比较高质嘅货色，例如墨汁鱼丸同黑椒台湾肠，我朋友就好钟意食午餐肉，我自己就钟意牛栢叶。出前一丁属基本嘢，而最正系有辛辣面！记住要记得拎埋旁边既炸鱼皮呀。素菜类都有好豊富嘅选择，有南瓜，萝卜，粟米，枝竹，金菇我推介比较少见嘅冰菜同虫草花，啲虫草花大条又鲜甜。饮品选择亦都豊富，有教主代言既0糖0卡饮品，啤酒等等，我就拣左自家制嘅冷泡茶，大热天时又打边炉，最好就系饮菊花杞子茶，清热又明目。调味料区亦都一应俱全，我自己好钟意佢有花椒油，香得黎唔会掩盖食物原味道。