影片
更多
2024-04-24
241 浏览
😐回头度：3/10😐 - 呢排喺尖沙咀返工所以有周围搜罗下有咩快、靓、正嘅餐厅，仲要最好就可以容易有5位或以上嘅枱嘅！😂 咁某日食完饭就去半岛中心行下，睇下发唔发掘到新餐厅啦 行行下就见到长今会所，本身离远望到以为系雀馆嚟，点知原来有lunch menu嘅，除咗恒常嘢食之外，每日仲有「特价午市套餐」，仲要大把位，所以就约定大家第二日去试下啦～ - 当日就抱住满怀期待嘅心去呢到食晏，我哋一行有五人，一去到就俾咗间房我哋，都几阔落㗎 我就叫咗个$50嘅「盐焗鸡饭」，心谂咁正路嘅嘢应该唔会伏得去边啦 点知碟饭一嚟到，个卖相已经好差，啲鸡部位散乱，一睇就知系喺一大堆鸡到求其夹啲就放上碟，颓到... 味道上就好一般，肉质偏干、柴.... 而最重点系𠮶堆鸡入面有两件系鸡颈嚟嘅！依家呢个年代碟头饭仲会上鸡颈俾客食系咩玩法！😂 整个用餐体验都好差，快快脆食完走人算～ 走咗之后大家都一致决定冇下次，就知呢间quality系点啦😅😅 食完终于明白点解呢间咁易揾到位😂😂
-
呢排喺尖沙咀返工所以有周围搜罗下有咩快、靓、正嘅餐厅，仲要最好就可以容易有5位或以上嘅枱嘅！😂
咁某日食完饭就去半岛中心行下，睇下发唔发掘到新餐厅啦
行行下就见到长今会所，本身离远望到以为系雀馆嚟，点知原来有lunch menu嘅，除咗恒常嘢食之外，每日仲有「特价午市套餐」，仲要大把位，所以就约定大家第二日去试下啦～
-
当日就抱住满怀期待嘅心去呢到食晏，我哋一行有五人，一去到就俾咗间房我哋，都几阔落㗎
我就叫咗个$50嘅「盐焗鸡饭」，心谂咁正路嘅嘢应该唔会伏得去边啦
点知碟饭一嚟到，个卖相已经好差，啲鸡部位散乱，一睇就知系喺一大堆鸡到求其夹啲就放上碟，颓到...
味道上就好一般，肉质偏干、柴....
而最重点系𠮶堆鸡入面有两件系鸡颈嚟嘅！依家呢个年代碟头饭仲会上鸡颈俾客食系咩玩法！😂
整个用餐体验都好差，快快脆食完走人算～
走咗之后大家都一致决定冇下次，就知呢间quality系点啦😅😅
食完终于明白点解呢间咁易揾到位😂😂
张贴
