烏蠅館 (已搬遷) 新店位置

上次黎食过烤鱼，见到原来呢度日头系食冒菜，就已经心思思想食下，今日咁啱黎尖沙咀做嘢，就上黎看个究竟。呢度午市非常受欢迎，1点开始已经全场满咁济。冒菜原来同车仔面、麻辣烫模式相似，都系叫啲送然后就点个面，可以拣汤。呢度单人可以拣8款（$58），无限制菜定系肉，面另外加$5。饮品跟餐加钱，我就拣左热蜂蜜桂花，加$10。桂花份量唔少架。蜂蜜味道自然甜。因为全部即叫即做，而且午市人好多，都需要等10分钟左右。呢度环境舒服，灯光都好适合影相。黎到之后发觉都几大碗，拣左8款料，显得个碗好满。个茄汤唔系港式茶记果啲咁甜，而系新鲜蕃茄打成蓉，非常天然，味道唔会好浓味。芝士丸好流心超邪恶！油麦菜、鸡髀菇都好吸汤好正。牛筋够软，鸡肉份量都几多。虫草花都好大扎！个面系火锅面，好滑，咬落爽口，份量都唔少架，我就饱到食唔晒！呢度咁抵食唔怪得知咁多人。侍应都好年轻，好有活力。