泰 (銅鑼灣廣場二期) (已結業)

泰式虾肉炒金边粉 $88 其实即系Pad Thai，有四只爽口大虾，金边粉口感味道刚好，好味。黄咖喱牛肋条配白饭 $88 上枱望落净系得咖喱杂菜，以为落错单定上错食物，原来四条牛肋条响底，可惜完全唔入味又唔够腍，失望。不过好多蔬菜系值得一赞，而且咖喱椰香味浓。午餐配茶饮，另外加份脆炸虾饼 $28 外层香脆，咬到有一粒粒虾肉，几结实，唔错。平日午市竟然唔Full，不过我都有经Openrice订座，因为有优惠折扣，其实整体食物都不过不失，坐得几舒服。