御名園 (已結業)

好耐无同朋友相聚，今日我地约左去天晋汇饮茶，第一次黎呢到，环境寛敞，坐得几舒服。好肚饿叫左好多嘢食，估唔到样样都唔错。原笼古法马拉糕松软，回弹力高，好香，唔会太甜。香煎腊味萝卜糕煎得外脆内软，啖啖萝卜丝，唔会好多粉。避风塘茄子呢个好得意，切到细细条，炸浆薄身，包住嫩滑多汁嘅茄子，加左避风塘汁好惹味。黑豚叉烧濑粉叉烧肥瘦适中，烧得好香，肉味浓郁，濑粉滑。百合猫耳炒胜瓜猫耳爽口，胜瓜多汁，健康菜。雪燕焦糖炖蛋蛋香味浓，炖蛋好滑，加上焦糖脆卜卜，好味。