影片
更多
2022-12-28
1536 浏览
今日要去黄大仙做嘢，中午就顺便约埋喺附近返工嘅朋友一齐饮茶。由友人带路，嚟咗豪苑商场 2 楼呢间「京都大酒楼」，酒家内栊颇大，而且装修新净，环境光亮整洁。点咗两 Set 百搭自选孖宝点心 ($44.8@)，拣咗蟹籽烧卖皇、香煎韭菜角、鲜虾菜苗饺 同 鲜虾腐皮卷。蟹籽烧卖皇：烧卖皇大大粒，好足料，食落肥肉唔多，口感松软弹牙，虾仁亦相当鲜味，加上面层嘅蟹籽，令层次更丰富。香煎韭菜角：韭菜角煎得好脆口，外表金金黄黄，咬下啖啖韭菜香，劲惹味，但入口又唔会太油腻。鲜虾菜苗饺：另外呢笼菜苗饺味道亦唔错，外皮烟韧透光，每粒入面都有成只鲜虾同满满嘅菜苗，入口皮薄馅靓，绝对系必食之选。鲜虾腐皮卷：腐皮炸得好松脆，入口无多余油份，虾肉鲜甜爽弹，点喼汁食更滋味。朋友钟意食炸物，所以加点咗碟沙律明虾角 ($30.8)，新鲜即炸，外层香脆可口，内里包住满满嘅鲜虾，爽口弹牙，好味。最后 Share 埋碗咸蛋叉烧饭 ($42) 叉烧份量好足，肉质软腍，入口香甜有肉香，加埋半只咸蛋，送饭一流。
由友人带路，嚟咗豪苑商场 2 楼呢间「京都大酒楼」，酒家内栊颇大，而且装修新净，环境光亮整洁。
点咗两 Set 百搭自选孖宝点心 ($44.8@)，拣咗蟹籽烧卖皇、香煎韭菜角、鲜虾菜苗饺 同 鲜虾腐皮卷。
蟹籽烧卖皇：烧卖皇大大粒，好足料，食落肥肉唔多，口感松软弹牙，虾仁亦相当鲜味，加上面层嘅蟹籽，令层次更丰富。
香煎韭菜角：韭菜角煎得好脆口，外表金金黄黄，咬下啖啖韭菜香，劲惹味，但入口又唔会太油腻。
鲜虾菜苗饺：另外呢笼菜苗饺味道亦唔错，外皮烟韧透光，每粒入面都有成只鲜虾同满满嘅菜苗，入口皮薄馅靓，绝对系必食之选。
鲜虾腐皮卷：腐皮炸得好松脆，入口无多余油份，虾肉鲜甜爽弹，点喼汁食更滋味。
朋友钟意食炸物，所以加点咗碟沙律明虾角 ($30.8)，新鲜即炸，外层香脆可口，内里包住满满嘅鲜虾，爽口弹牙，好味。
最后 Share 埋碗咸蛋叉烧饭 ($42) 叉烧份量好足，肉质软腍，入口香甜有肉香，加埋半只咸蛋，送饭一流。
张贴
