京都大酒樓

营业中

休息中

今日陪家人去黄大仙庙，拜完去地铁站附近京都大酒楼饮茶，酒楼好大，多枱，我哋星期六12:00到达，好彩唔驶等位。2个人叫咗5笼点心，慢慢坐下倾吓计。香荽牛肉肠粉肠粉皮薄，肠粉好滑好爽口，滑嘟嘟，筷子夹著都会跣走。里面牛肉几香芫荽，配合肠粉甜豉油味道不俗，如果再多啲牛肉就好了。鲜虾菜苗饺大大只，晶莹剔透，一口咬下，点心皮口感爽身不黏口，可以再薄皮啲，虾同菜既比例适当，蒜香味很好吃。鲜虾腐皮卷腐皮煎得香脆，唔太油，每条卷食落虾份量足，爽口弹牙，配合其他配料如红萝卜丝及芹菜，口感爽口。蜜汁叉烧包拎上手热辣辣，包皮几簿，我钟意入面够多叉烧同酱汁，而且叉烧粒唔肥。鲜竹卷入面既料有猪肉椰菜及木耳，都清爽，腐皮吸入个汁一齐食，都几好味。整体来讲，点心全部热辣辣味道唔错，侍应服务态度都唔错，反应好快。